"Арсенал" ҳимоячиси Пабло Марининг "Монца"га ўтиши барбод бўлиши мумкин. Журналист Николо Скиранинг сўзларига кўра, испаниялик футболчини "Верона" жамоаси ҳам қўлга киритмоқчи. Қайд этилишича, агар "Монца" фақат ижарага олишни истаса, "Верона" ҳозирданоқ тўлиқ трансферни амалга оширишга тайёр.

Манбага кўра, яқин орада қарор қабул қилиниши керак. Марининг ўзи фаолиятини Италия А Сериясида давом эттирмоқчи, у ўтган мавсумда "Удинезе"да ижара асосида ўйнаган.

Эслатиб ўтамиз, Мари илгари ҳам "Манчестер Сити"да ўйнаган ва у ерда "Арсенал"нинг ҳозирги бош мураббийи Микель Артета билан бирга ишлаган.