Чехия терма жамоаси дарвозабони Петр Чех Евро-2012 гуруҳ босқичининг сўнгги турида Польша устидан қозонилган ғалабани мутлақ тўғри дея ҳисоблаяпти.
"Биз ёмон бошладик, узоқ иккиландик ва сал қолса гол қўйиб юборишимиз мумкин эди. Аммо ўйин давом этгани сайин ўзимизни қўлга олиб, ишончлироқ ўйнай бошладик, вазиятлар ярата бошладик. Оқибатда гол урдик ва ҳақли равишда ғалаба қозондик.
Чехия термаси ўйинчилари Россия ва Греция ўйини ҳисобини билиб турдилар, буни стадион таблосида кўриш мумкин эди. Лекин биз мўъжиза кутмадик, ўзимизга ишондик", - дейди Чехия термаси дарвозабони.