"Бавария" спорт директори Ҳасан Салиҳамиджич нидерландиялик ҳимоячи Маттейс Де Лигт билан шартнома имзолаганини изоҳлар экан, мюнхенликлар сафига ёзда янги келган футболчилар бошқа клубларда яхши молиявий шароитга эга бўлишлари мумкинлигини айтди.
“Биз Де Лигтга ҳамма нарсани тушунтирдик ва молиявий жиҳатини муҳокама қилишдан олдин ҳам лойиҳа ҳақида гаплашдик. У шунчаки бизга қўшилишни хоҳлаётганини айтди. Барча янги келганлар бошқа клубларда кўпроқ маош олишлари мумкин эди, лекин улар "Бавария"га ўтишга қарор қилишди", - деди Салиҳамиджич Sky Sports телеканалига.
Эслатиб ўтамиз, 22 ёшли Де Лигт "Ювентус"дан 67 миллион евро эвазига "Бавария"га ўтган эди. Клублар ўртасидаги келишувда 10 миллион евро миқдоридаги бонуслар ҳам кўзда тутилган.
