"ПСЖ" ҳужумчиси Лионель Месси ёзда "Барселона"га қайтмайди. Журналист Лоик Танзининг сўзларига кўра, аргентиналик футболчи Парижда ҳеч бўлмаганда 2023 йилнинг июнь ойида тугайдиган шартномаси якунига қадар қолади.

Эслатиб ўтамиз, яқинда Мессининг "Барселона"га келиши аргентиналик футболчининг "Камп Ноу"га қайтиши мумкинлиги ҳақида кўплаб фикрларни келтириб чиқарди. Бироқ, бу ташриф фақат шахсий эди ва "Барселона" сафига ўтиш билан ҳеч қандай алоқаси йўқ эди.

Жорий мавсумда Месси "ПСЖ" сафида иккита ўйинда учта гол урди. Аввалига аргентиналик футболчи Франция Суперкубогида “Нант” дарвозасини ишғол қилди, кейин эса Лига 1нинг биринчи турида “Клермон”га қарши ўйинда дубл қайд этди.