"Барселона" тез орада "Челси" ҳимоячиси Маркос Алонсони ўз сафига қўшиб олганини расман эълон қилмоқчи. Бу ҳақда журналист Фабрицио Романо ижтимоий тармоқларда маълум қилди.
Манбага кўра, трансфер суммаси 10 миллион евродан сал камроқ бўлади. Алонсонинг ўзи фақат "Барселона"га ўтишни истайди, буни у "кўклар" раҳбариятига бир неча бор билдирган.
Эслатиб ўтамиз, Алонсо "Эвертон"га қарши Англия Премьер-лигасининг 1-тур учрашувини ўтказиб юборган эди. "Челси" бош мураббийи Томас Тухель ўйиндан сўнг испаниялик футболчининг тез орада жамоани тарк этиши мумкинлигини тасдиқлади.