"Барселона" ярим ҳимоячиси Нико Гонсалес "Валенсия"га ижара асосида ўтади, деб хабар беради Marca.
Манбага кўра, 20 ёшли футболчи клубга сотиб олиш ҳуқуқисиз бир йиллик ижарага ўтади. Томонлар аллақачон ҳамма нарсани келишиб олишган.
Гонсалес ўтган мавсумда "Барселона" сафида Ла Лигада 27 та ўйинда майдонга тушиб, 2 та гол урди ва битта голли узатмани амалга оширди. Унинг клуб билан шартномаси 2024 йилнинг ёзига қадар мўлжалланган.
Transfermarkt портали футболчининг нархини 20 миллион еврога баҳоламоқда.
