Бразилиялик вингер Виллиан Англия Премьер-лигасига қайтишга яқин турибди, у аввал Лондоннинг “Челси” ва “Арсенал” клубларида тўп сурган. Бу ҳақда инсайдер Николо Скира ижтимоий тармоқлар орқали маълум қилди.
Манбага кўра, 34 ёшли Виллианнинг агенти футболчига қизиқиш билдираётган "Фулхэм" клуби билан музокаралар олиб борган.
Эслатиб ўтамиз, айни пайтда Виллиан Бразилиянинг "Коринтианс" клуби футболчиси ҳисобланади. Ярим ҳимоячи жорий мавсумда 36 та ўйинда майдонга тушиб, 1 та гол урди ва 4 та голли узатмага муаллифлик қилди. Унинг нархи 5,5 миллион еврога баҳоланмоқда.
