"ПСЖ"нинг янги бош мураббийи Кристоф Галтье испаниялик ярим ҳимоячи Андер Эррерага ишонч билдириш ниятида эмас. Галтьенинг қарори туфайли футболчига жамоанинг асосий гуруҳида машғулот олиб боришга рухсат берилмади.
Шу билан бирга, мураббийнинг позициясига қарамай, ярим ҳимоячи жамоани тарк этмоқчи эмас. Le Parisien нашри хабарига кўра, Эррера шартнома бўйича ўзига тегишли бўлган барча пулларни клубдан олишни кутмоқда. У 2024 йилнинг ёзига қадар "ПСЖ"да захира ўйинчиси сифатида қолишга тайёр.
Эррера ўтган мавсумда Франция чемпионатида 19 та ўйинда майдонга тушиб, 3 та гол урди ва 2 та голли узатмани амалга оширди.
