“Челси” ярим ҳимоячиси Хаким Зиеш тезроқ жамоани тарк этмоқчи. Журналист Низар Кинселланинг сўзларига кўра, марокашлик футболчи миланликлар таклифини кутишдан чарчаган, шунинг учун у ўз агентига фаолиятини давом эттириш учун муқобил вариантларни топишни айтган.
Олдинроқ "Челси" Зиешни сотиб олиш шарти билан ижарага беришга рози бўлганди. "Милан" ҳали ҳам бу келишувга қизиқиш билдирмоқда, аммо клуб ҳали таклиф билан чиқишга тайёр эмас.
Зиеш "Челси" бош мураббийи Томас Тухелнинг режаларига кирмаяпти. Германиялик мутахассиси Рахим Стерлингдан ташқари клуб ҳужум чизиғини яна иккита янги ўйинчи билан янгиламоқчи эканлигини раҳбариятга аллақачон маълум қилган.
