"Челси" ҳозир "Лестер" ҳимоячиси Уэсли Фофанадан кўра, "Барселона" ярим ҳимоячиси Френки де Йонгни сотиб олиш эҳтимоли кўпроқ. Журналист Бен Жейкобснинг тарқатган маълумотларига кўра, нидерландиялик футболчининг трансфери бўйича музокаралар анча илғор босқичда.
"Челси" хўжайини Тодд Бёли аллақачон де Йонгнинг ўзига қўнғироқ қилиб, футболчини "Стемфорд Бриж"га ўтишга кўндирган. Бироқ ярим ҳимоячи ҳозирча "Барселона"да қолиш ниятида.
Ўз навбатида, Фофана "Челси"нинг навбатдаги таклифини кутмоқда. "Тулкилар" ўз футболчиси учун 90 миллион евро таклиф қилишини кутишмоқда.
