"Челси" "Барселона" ярим ҳимоячиси Френки де Йонгнинг трансфери устида ишлашда давом этмоқда.
Журналист Николо Скиранинг хабар беришича, Лондон клуби нидерландиялик футболчига яна бир мавсумга узайтириш варианти билан 2027 йилгача шартнома таклиф қилган.
"Челси" ҳам "Барселона" билан футболчи учун товон пули борасида музокаралар олиб бормоқда. Футболчининг келажаги яқин орада ойдинлашиши керак.
Олдинроқ футболчининг иккита йўл борлиги, маошини камайтириш ёки бошқа жамоага ўтиш ҳақида хабар берилганди.
Эслатиб ўтамиз, аввалроқ "Манчестер Юнайтед" футболчи учун курашни тарк этганди. Де Йонг "қизил иблислар" сафига ўтишдан бош тортди, чунки клуб Чемпионлар лигасида ўйнамайди.
