"Наполи" "Сассуоло"га ҳужумчи Жакомо Распадори бўйича таклифни оширди. Неаполликлар 22 ёшли футболчи учун бонуслар билан бирга тахминан 35 миллион евро таклиф қилишди, деб ёзади инсайдер Николо Скира.
Шу билан бирга, "Сассуоло" раҳбарияти ўз футболчиси учун камида 38 миллион, шунингдек, футболчининг келажакдаги қайта сотилишининг 10 фоизини талаб қилмоқда.
Распадорининг ўзи аллақачон "Наполи" билан шахсий шартнома борасида келишиб олган. Шартнома беш йилга мўлжалланган бўлиб, футболчининг янги клубидаги маоши йилига 2,5 миллион еврони ташкил қилади.
