"Барселона"нинг 20 ёшли испаниялик ярим ҳимоячиси Нико Гонсалес "Валенсия"да тиббий кўрикдан ўтди. 12 август куни футболчи янги жамоаси учун илк машғулотини ўтказади, деб хабар беради АS.
Кеча, 11 август куни Нико "Валенсия"га етиб келди. Бугун эрталаб у тиббий кўрикдан муваффақиятли ўтди, энди футболчи шартнома имзолаши ва "кўршапалаклар" футболчиси сифатида тақдимотга тайёрланиши керак.
Ярим ҳимоячи мавсумни ижара асосида "Валенсия"да ўтказади. "Кўршапалаклар" "Барселона"га тўловларни амалга оширмайди, аммо футболчига уларнинг ҳисобидан кичик маош тўланади.
