Ёзги трансфер ойнасида Марко Арнаутович "Болонья"дан "Манчестер Юнайтед"га ўтиши мумкин.
Эрик тен Хаг ҳужумда кўпроқ имкониятларга эга бўлиш учун австрияликни тезроқ қўлга киритмоқчи эди. Бироқ трансфер амалга ошмади. Арнаутовичнинг ўзи матбуот анжуманида шу мавзудаги саволга жавоб берди.
“Трансфер бозори ўз номи билан бозор. Мен кўп йиллардан бери футбол оламидаман ва биламанки, трансфер ойнаси очиқ бўлган вақтда сизга баъзи клублар қизиқиш билдириши мумкин. Лекин бу сизнинг тўлиқ келажагингизни белгилаб бермайди. Ҳозир бор эътиборимни "Болонья"га қаратганман", дейди Арнаутович.
Эътиборлиси, "Манчестер Юнайтед" мавсумни марказий ҳужумчисиз бошлади - Криштиану Роналду яхши формага эга бўлмади, Антони Марсьяль эса жароҳат олди.
