"Манчестер Юнайтед" бош мураббийи Эрик тен Хаг ўз футболчилари учун дам олиш кунини бекор қилишга қарор қилди.
BBC Sports хабарига кўра, жамоа тақвимга дам олиш кунини киритган, бироқ Англия премьер-лигасининг 2-тур учрашувида “Брентфорд”га 0:4 ҳисобида имкониятни бой берганидан сўнг, мутахассис дам олиш кунини бекор қилишга қарор қилган. Футболчилар машғулот ўтказишади.
Эслатиб ўтамиз, “Манчестер Юнайтед” икки турдан сўнг АПЛ турнир жадвалида сўнгги ўринда бормоқда, жамоа томонидан урилган ва ўтказиб юборилган голлар ўртасидаги фарқ 1:6. Энди "Манчестер Юнайтед" "Ливерпуль" билан ўйнайди, ўйин 22 август куни бўлиб ўтади.
