Туркиянинг "Адана Демирспор" ҳужумчиси Марио Балотелли фаолиятини "Рома"да давом эттириши мумкин, дея хабар бермоқда журналист Альфредо Педулла.
Манба берган хабарга кўра, римликлар бош мураббийи Жозе Моуриньо 32 ёшли Балотелли билан эҳтимолий трансфер борасида аллақачон гаплашиб олган. Эслатиб ўтамиз, португалиялик мутахассис бунгача ҳужумчи билан Миланнинг “Интер” клубида ишлаган.
Италиялик футболчининг турк клуби билан амалдаги шартномаси 2024 йилнинг ёзига қадар тузилган. Transfermarkt портали Италия терма жамоасининг собиқ футболчисини 2,8 миллион еврога баҳоламоқда.
Балотелли ўтган мавсумда 34 та ўйинда майдонга тушиб, 19 та гол урди ва 7 та голга ассистентлик қилди.
