"Реал Мадрид" Каземиро ўрнига янги ўйинчи сотиб олмоқчи эмас.
Бразилиялик ярим ҳимоячи 60+10 миллион евро эвазига "Манчестер Юнайтед"га ўтишга яқин турибди.
"Каземиронинг кетиши ҳақиқат. Ҳамма нарса шуни кўрсатадики, ортга қайтиш йўқ, у "Манчестер Юнайтед" футболчисига айланади.
Менинг маълумотларимга кўра, "Реал Мадрид" (Каземиро ўрнига янги футболчи) янги футболчи сотиб олиш ҳақида ўйламаяпти. Менимча, клуб ярим ҳимоя марказига кимнидир қўлга киритишга ҳожат йўқ, бу позицияда олти нафар футболчи бор.
Менимча, "Реал" ҳужумчи билан шартнома имзолаши керак. Ҳозирда Бенземанинг ўрнига футболчи йўқ" - дейди Marca журналисти Хосе Феликс Диас.