"Real Madrid" Kazemiro o‘rniga yangi o‘yinchi sotib olmoqchi emas.

Braziliyalik yarim himoyachi 60+10 million yevro evaziga "Manchester Yunayted"ga o‘tishga yaqin turibdi.

"Kazemironing ketishi haqiqat. Hamma narsa shuni ko‘rsatadiki, ortga qaytish yo‘q, u "Manchester Yunayted" futbolchisiga aylanadi.

Mening ma’lumotlarimga ko‘ra, "Real Madrid" (Kazemiro o‘rniga yangi futbolchi) yangi futbolchi sotib olish haqida o‘ylamayapti. Menimcha, klub yarim himoya markaziga kimnidir qo‘lga kiritishga hojat yo‘q, bu pozisiyada olti nafar futbolchi bor.

Menimcha, "Real" hujumchi bilan shartnoma imzolashi kerak. Hozirda Benzemaning o‘rniga futbolchi yo‘q" - deydi Marca jurnalisti Xose Feliks Dias.