Дортмунднинг "Боруссия" жамоасида клуб даражасида тўп сураётган бельгиялик ҳимоячи Том Меньега Испания чемпионатида талаб катта.
Mundo Deportivo хабарига кўра, "Барселона" клуби 30 ёшли футболчини сотиб олишга умид қилмоқда. Меньенинг ўзи "Камп Ноу"га ўтишга қарши эмас. Футболчи ўзининг агентлари билан мулоқотда "кўк-анорлилар" сафига кўчиб ўтишни узоқ вақтдан бери орзу қилганини тан олди.
Шу билан бирга, дортмундликлар ҳимоячининг хоҳишига шерик эмас. Дортмунднинг "Боруссия" клуби Меньени жамоада сақлаб қолмоқчи.
Ўтган мавсумда Том 17 та ўйинда қатнашиб, иккита гол ва тўртта голли узатмани амалга оширди.
