"Челси" бош мураббийи Томас Тухель янги келган Чезаре Казадеи ҳозирча "кўклар" ёшлар жамоасида ўйнашини маълум қилди. Эслатиб ўтамиз, италиялик футболчи кеча миланлик "Интер" клубидан 15 миллион евро эвазига "Челси"га кўчиб ўтгани расман эълон қилинганди.
“Биз аввало унга тил ўрганиш, маданиятга кўникиш имконини берамиз, кейин эса машғулотларда маҳоратини синаб кўрамиз”, - деди Тухель матбуот анжуманида.
Эслатиб ўтамиз, 19 ёшли Казадеига "Ницца" ва "Сассуоло" каби клублар ҳам даъвогарлик қилишган, аммо "Интер"нинг молиявий шартларини фақат "Челси" қондира олган.
Ёш ярим ҳимоячи асосий таркибда бирорта ҳам ўйин ўтказмаган.
