Мюнхеннинг “Бавария” клуби бош мураббийи Юлиан Нагельсманн “Манчестер Юнайтед”нинг португалиялик ҳужумчиси Криштиану Роналду нима учун янги клуб топишда қийналаётганини айтди.
"Гап шундаки, клублар Роналдуни қўллаб-қувватлаш учун жуда кўп пулга эга бўлишлари керак. Криштиану энди ёш футболчи эмас ва унинг маоши жуда катта.
Албатта, кўпчилик жамоада шундай ўйинчи бўлишини хоҳлайди, аммо деярли барча клублар унинг маошини тўлашда қийинчиликларга дуч келишади", - деди мураббий Sport Bild билан суҳбатда.
Олдинроқ Роналду ёзда клубини ўзгартирмоқчи эканлиги ҳақида хабарлар тарқалган эди. 37 ёшли португалиялик футболчига даъвогарлар орасида "Челси", "Атлетико", "Барселона" ва "Спортинг" клублари бор эди.
