“Манчестер Юнайтед” ҳужумчиси Криштиану Роналду фаолиятини Франция чемпионатида давом эттириши мумкин, дея хабар бермоқда журналист Никколо Чеккарини ижтимоий тармоқда.
Манбанинг хабарига кўра, португалиялик футболчининг агенти Жорже Мендеш "Марсель" вакиллари билан боғланиб, эҳтимолий трансферни муҳокама қилган. Олдинроқ, Роналдуда фаолиятини давом эттириш учун фақат иккита вариант борлиги ҳақида хабар тарқалганди. Булар - Дортмунднинг "Боруссия" ва Португалиянинг "Спортинг" клублари эди. Дортмунднинг "Боруссия" клуби бош директори Ханс-Йоахим Вацке клубнинг 37 ёшли португалиялик футболчининг вакиллари билан алоқаси йўқлигини айтганди.
