"Рома" ва Италия терма жамоасининг собиқ ҳужумчиси Франческо Тотти "ПСЖ" ҳужумчиси Лионель Месси ва "Манчестер Юнайтед" ҳужумчиси Криштиану Роналду ҳақида гапирди. Шунингдек, "Олтин тўп"ни топшириш тартибини тушунмаганини тан олди.
“Месси ва Роналду дунёнинг энг яхши футболчилари рўйхатида қолмоқда. Булар ҳар хил ўйинчилар: Месси кўпроқ техникавий, Роналду эса жамоавий ўйинчи. Тўғрисини айтсам, 30 йиллик фаолиятим давомида мен “Олтин тўп” қандай берилишини ҳалигача тушунмаяпман – жамоадаги энг яхши ўйин учунми ёки якка тартибдаги ютуқлар учунми?”, — деди Corriere dello Sport билан суҳбатда.
Эслатиб ўтамиз, аввалроқ France Football журнали мавсум якунида дунёнинг энг яхши футболчисига бериладиган "Олтин тўп" соврини учун курашадиган 30 нафар футболчилар рўйхатини эълон қилган эди. Эътиборлиси, Месси номзодлар рўйхатига киритилмаган.
