Аста-секин “Андижон” клуби ҳақида хорижда ҳам тасаввур пайдо бўлиб бормоқда. Айниқса, кўзга кўринган футбол мутахассисларининг андижонликлар хусусида билдираётган фикр ва мулоҳазалари барча учун қизиқ ва муҳим.
Россиялик таниқли футболчи ва ҳозирда мураббийлик соҳасига қадам қўйган Александр Кержаков ҳам эндиликда "Андижон" ҳақида билади.
“Андижон” жамоаси ҳақида эшитиш мен учун ёқимли янгилик, бўлди албатта, - дея гап бошлади, Кержаков. - Жамоани яқинда муҳим ўйинда ғалаба қозонгани билан табрикламоқчиман.
“Пахтакор” ва “Бунёдкор”ни ўзбек футболидаги грандлар сифатида кўпчилик яхши билади. Масалан, Россияда ҳам. “Андижон”нинг эса про лигадан Суперлигага кўтарилиш учун астойдил кураш олиб бораётганини эшитдим ва “Андижон”нинг мухлислари қанчалик жонкуяр эканлиги борасида бироз тасаввурга эга бўлдим. Чунки айнан ишқибозлар севган жамоасига ёрдам беришлари мумкин.
Фурсатдан фойдаланган ҳолда “Андижон” клуби ва унинг мухлисларига омад ёр бўлишини тилаб қоламан.
Шунингдек, мухлисларга клубни ҳар қандай ҳолатда ҳам ёлғизлатиб қўймасликни, балки уни доим қўллаб-қувватлаб келишларини айтган бўлардим. Шунда натижалар ҳам ўзини куттириб қўймайди.
“Андижон” клуби фанатлари Ўзбекистонда биринчи ўринда, дейсизми? Бу жуда зўрку!”, - дейди Александр Кержаков “Андижон” клуби матбуот хизматига.
