Asta-sekin “Andijon” klubi haqida xorijda ham tasavvur paydo bo‘lib bormoqda. Ayniqsa, ko‘zga ko‘ringan futbol mutaxassislarining andijonliklar xususida bildirayotgan fikr va mulohazalari barcha uchun qiziq va muhim.
Rossiyalik taniqli futbolchi va hozirda murabbiylik sohasiga qadam qo‘ygan Aleksandr Kerjakov ham endilikda "Andijon" haqida biladi.
“Andijon” jamoasi haqida eshitish men uchun yoqimli yangilik, bo‘ldi albatta, - deya gap boshladi, Kerjakov. - Jamoani yaqinda muhim o‘yinda g‘alaba qozongani bilan tabriklamoqchiman.
“Paxtakor” va “Bunyodkor”ni o‘zbek futbolidagi grandlar sifatida ko‘pchilik yaxshi biladi. Masalan, Rossiyada ham. “Andijon”ning esa pro ligadan Superligaga ko‘tarilish uchun astoydil kurash olib borayotganini eshitdim va “Andijon”ning muxlislari qanchalik jonkuyar ekanligi borasida biroz tasavvurga ega bo‘ldim. Chunki aynan ishqibozlar sevgan jamoasiga yordam berishlari mumkin.
Fursatdan foydalangan holda “Andijon” klubi va uning muxlislariga omad yor bo‘lishini tilab qolaman.
Shuningdek, muxlislarga klubni har qanday holatda ham yolg‘izlatib qo‘ymaslikni, balki uni doim qo‘llab-quvvatlab kelishlarini aytgan bo‘lardim. Shunda natijalar ham o‘zini kuttirib qo‘ymaydi.
“Andijon” klubi fanatlari O‘zbekistonda birinchi o‘rinda, deysizmi? Bu juda zo‘rku!”, - deydi Aleksandr Kerjakov “Andijon” klubi matbuot xizmatiga.
