"ПСЖ" дарвозабони Кейлор Навас "Наполи"га ўтишга жуда яқин турибди. Repubblica хабарига кўра, Неаполь клуби коста-рикалик футболчининг трансфер шартномасини якунламоқда.
Эслатиб ўтамиз, Италия клуби билан шартномаси тугашига атиги бир йил қолган ярим ҳимоячи Фабиан Руис "ПСЖ"га ўтиши керак.
"Наполи" бу ёзда эркин агент сифатида кетган асосий дарвозабони Давид Оспинани йўқотди. Лучано Спалетти жамоаси колумбиялик футболчини алмаштириш учун турли вариантларни кўриб чиқди. Охир-оқибат, "Наполи" "ПСЖ"да иккинчи рақамли дарвозабон бўлишни истамайдиган Навасни танлади.
