Туриннинг "Ювентус" клуби яна бир трансферга яқин турибди. Football-Italia нашрига маълум бўлишича, "ПСЖ"да ўйнаётган аргентиналик ярим ҳимоячи Леандро Паредес Италия гранди билан меҳнат шартномаси имзолашга бир қадам қолган.

Манбага кўра, томонлар футболчини қайта сотиб олиш ҳуқуқи билан ижарага беришга келишиб олган. Паредес аллақачон туринликлар билан шахсий шартнома шартларини келишиб олган.

28 ёшли ярим ҳимоячи 2019 йилнинг январида Санкт-Петербургнинг "Зенит" клубидан "ПСЖ"га ўтган эди. Унинг шартномаси 2024 йилнинг ўрталарига қадар мўлжалланган.

Франция чемпионатининг янги мавсумида Леандро учта учрашув ўтказиб, битта голли узатмани амалга оширди.