Мартин Брейтуэйт "Барселона" билан шартномасини бекор қилгани учун молиявий товон пули талаб қилмоқда.
Marca хабарига кўра, ҳужумчи 5 миллион евро талаб қилмоқда, агар у шартнома муддати тугагунига қадар клубда қолганида икки йил ичида айнан шунча маош олган бўларди.
31 ёшли футболчининг хизматларига "Мальорка" клуби қизиқиш билдирмоқда. Клуб футболчининг эркин агентга айланишини кутмоқда. Ҳужумчи билан шахсий шартнома шартлари ҳозирча келишиб олинмаган, чунки унинг маоши талаблари жуда юқори. Бироқ, ҳар икки томон келишувга эришиш ниятида.
Даниялик футболчи 2020 йилнинг февралида “Барселона”га кўчиб ўтганди. Ўшандан бери у Каталония клуби сафида 58та ўйин ўтказиб, 10та гол урган.
