"Ренн" ярим ҳимоячи Ловро Майер борасида "Атлетико" билан музокара олиб боришдан бош тортди.
L'Equipe хабарига кўра, Мадрид клуби 24 ёшли хорватиялик учун 45 миллион евро тўлашга тайёр. Бироқ француз клуби хўжайинлари Пинолар оиласи футболчини таркибда сақлаб қолмоқчи.
Хорватиялик ярим ҳимоячининг амалдаги шартномаси 2026 йилгача мўлжалланган. Transfermarkt портали футболчининг нархини 20 миллион еврога баҳоламоқда.
Майер ўтган мавсумда "Ренн" сафида 49 ўйинда 11 гол урди ва 13 голга ассистентлик қилди.