"Атлетико Мадрид" ҳимоячиси Ренан Лодининг "Ноттингем Форест"га ўтиши бўйича келишув тўлиқ келишилган, дея хабар беради журналист Фабрицио Романо.
Манба берган хабарга кўра, 24 ёшли бразилиялик футболчи Премьер-лигадан жамоага ижара асосида ўтади ва бу "ўрмончилар"га 5 миллион еврога тушади. Шартнома футболчини 30 миллион еврога сотиб олиш вариантини ўз ичига олади. Transfermarkt портали Бразилия терма жамоаси футболчисини худди шундай суммага баҳолаган.
Ўтган мавсумда ҳимоячи "матрасчилар"да 42 та ўйинда майдонга тушиб, 4 та гол урди ва 6 та голли узатмани амалга оширди.













