Ўзбекистон U-19 терма жамоаси Японияда ўтказилган «SBS Cup» халқаро мусобақаси ғолибига айланди. Фарҳод Нишонов шогирдлари сўнгги турда Япония ёшлар терма жамоасига қарши майдонга чиқишди.
Мезбонлар 16-дақиқада ҳисобни очишган бўлса, вакилларимиз иккинчи бўлимнинг 59-дақиқасида мувозанатни тиклашди.
Ушбу ҳисоб ўйин охиригача ўзгармагач, регламентга кўра, пенальтилар сериясига навбат берилди. Унда футболчиларимиз 5:4 ҳисобида ғалаба қозониб, 2 очкога эга бўлишди.
Натижада Ўзбекистон U-19 терма жамоаси турнирда 7 очко жамғариб, ғолибликни қўлга киритишди (бир ғалаба ва пенальтилар сериясида 2 ғалаба). "Шизуока U18" 6 очко билан 2-ўринни банд этган бўлса, Япония U-18 бронза медалини қўлга киритди (5 очко). Уругвай эса сўнгги поғонада қолди.
Ҳамюртимиз Рустамбек Фомин "SBS Cup" турнирининг энг яхши футболчиси деб топилди.
«SBS Cup» (U-19)
Япония - Ўзбекистон - 1:1. Пенальтилар серияси - 4:5.
Голлар: Суня Сакаи (16ʼ) — Риан Исламов (59ʼ).
Ўзбекистон U19: 12.Асрорбек Кенжаев, 3.Суннатилла Поёнов, 4.Миркомил Абдураззоқов, 5.Тоҳирбек Тўхтасинов, 6.Александр Зевадинов, 7.Асадбек Қаҳҳоржонов, 11.Риан Исламов, 14.Маҳмуд Жўрабоев, 15.Жавоҳир Утамуродов, 17.Нодирбек Абдураззоқов, 19.Рустамбек Фомин
Захирадагилар: Байрам Наджафалиев, Диёрбек Иномов, Далер Туҳсанов, Оғабек Асадов, Муҳаммадали Усмонов, Элёрбек Мўминқулов, Асадбек Жўрабоев.
