O‘zbekiston U-19 terma jamoasi Yaponiyada o‘tkazilgan «SBS Cup» xalqaro musobaqasi g‘olibiga aylandi. Farhod Nishonov shogirdlari so‘nggi turda Yaponiya yoshlar terma jamoasiga qarshi maydonga chiqishdi.
Mezbonlar 16-daqiqada hisobni ochishgan bo‘lsa, vakillarimiz ikkinchi bo‘limning 59-daqiqasida muvozanatni tiklashdi.
Ushbu hisob o‘yin oxirigacha o‘zgarmagach, reglamentga ko‘ra, penaltilar seriyasiga navbat berildi. Unda futbolchilarimiz 5:4 hisobida g‘alaba qozonib, 2 ochkoga ega bo‘lishdi.
Natijada O‘zbekiston U-19 terma jamoasi turnirda 7 ochko jamg‘arib, g‘oliblikni qo‘lga kiritishdi (bir g‘alaba va penaltilar seriyasida 2 g‘alaba). "Shizuoka U18" 6 ochko bilan 2-o‘rinni band etgan bo‘lsa, Yaponiya U-18 bronza medalini qo‘lga kiritdi (5 ochko). Urugvay esa so‘nggi pog‘onada qoldi.
Hamyurtimiz Rustambek Fomin "SBS Cup" turnirining eng yaxshi futbolchisi deb topildi.
«SBS Cup» (U-19)
Yaponiya - O‘zbekiston - 1:1. Penaltilar seriyasi - 4:5.
Gollar: Sunya Sakai (16ʼ) — Rian Islamov (59ʼ).
O‘zbekiston U19: 12.Asrorbek Kenjayev, 3.Sunnatilla Poyonov, 4.Mirkomil Abdurazzoqov, 5.Tohirbek To‘xtasinov, 6.Aleksandr Zevadinov, 7.Asadbek Qahhorjonov, 11.Rian Islamov, 14.Mahmud Jo‘raboyev, 15.Javohir Utamurodov, 17.Nodirbek Abdurazzoqov, 19.Rustambek Fomin
Zaxiradagilar: Bayram Nadjafaliyev, Diyorbek Inomov, Daler Tuhsanov, Og‘abek Asadov, Muhammadali Usmonov, Elyorbek Mo‘minqulov, Asadbek Jo‘raboyev.
