"Барселона" ҳужумчиси Мемфис Депай "Манчестер Юнайтед"нинг асосий мақсадларидан бири эмас.
Инсайдер Фабрицио Романога кўра, агар футболчи ўз амбицияларига мос келадиган жамоа топса, "блауграна" билан шартномасини бекор қилишга тайёр бўлади. У "Реал Сосьедад" билан музокаралар олиб бормайди.
"Манчестер Юнайтед" вазиятни кузатиб бормоқда ва нидерландиялик футболчи билан баъзи алоқалар бўлган, аммо бу трансфер Премьер-лига клуби бошқа келишувлар билан боғлиқ муаммоларга дуч келган тақдирда амалга ошади. Айни пайтда томонлар ўртасида тўғридан-тўғри музокаралар олиб борилмаяпти.
Бу мавсумда Депай расмий ўйинларда майдонга тушмаган.
