"Челси" трансфер ойнаси ёпилгунга қадар ярим ҳимоячи Росс Баркли билан хайрлашмоқчи ва унга клубни тарк этиши учун товон пули таклиф қилиши мумкин, дея хабар беради The Sun.
28 ёшли англиялик сўнгги икки мавсум давомида "Челси"да кам ўйнади. “Кўклар” билан Баркли Англия кубоги (2017/18), Европа лигаси (2018/19) ва клублар ўртасидаги жаҳон чемпионати (2021)да ғолиб чиқди.
Ярим ҳимоячининг "аристократлар" билан шартномаси 2023 йилнинг ёзига қадар мўлжалланган. Transfermarkt портали футболчининг нархини 12 миллион еврога баҳоламоқда.
2021/22 йилги мавсумда Баркли “Челси” сафида 14 та ўйинда майдонга тушиб, 1 та гол урди.
