"Chelsi" transfer oynasi yopilgunga qadar yarim himoyachi Ross Barkli bilan xayrlashmoqchi va unga klubni tark etishi uchun tovon puli taklif qilishi mumkin, deya xabar beradi The Sun.
28 yoshli angliyalik so‘nggi ikki mavsum davomida "Chelsi"da kam o‘ynadi. “Ko‘klar” bilan Barkli Angliya kubogi (2017/18), Yevropa ligasi (2018/19) va klublar o‘rtasidagi jahon chempionati (2021)da g‘olib chiqdi.
Yarim himoyachining "aristokratlar" bilan shartnomasi 2023 yilning yoziga qadar mo‘ljallangan. Transfermarkt portali futbolchining narxini 12 million yevroga baholamoqda.
2021/22 yilgi mavsumda Barkli “Chelsi” safida 14 ta o‘yinda maydonga tushib, 1 ta gol urdi.













