"Барселона" ҳимоячиси Жюль Кунде Каталония клубидаги дебютидан сўнг ўз фикрларини билдириб ўтди.
Кеча франциялик футболчи Ла Лиганинг 3-туридан ўрин олган “Барселона” – “Вальядолид” (4:0) учрашувини тўлиқ ўтказди.
“Ғалаба қозонганимиздан хурсандман. Бу жуда яхши натижа бўлиб, жамоанинг ишончини қозонишда давом этишига имкон беради.
Ҳимоя марказида ҳам, қанотда ҳам ўйнайвераман, аммо менга кўпроқ марказ қулайроқ. Ўйиндан сўнг ўзимни яхши ҳис қилдим, гарчи мен ҳали клубнинг ўйин услубини ўрганишим керак бўлса-да, лекин яхши ҳаракат қиляпман. Энг яхши даражага етишим учун ҳали бироз вақт керак.
Мен "Барселонага" совринлар олиш ва ривожланишда давом этиш учун келдим”, - дейди Кунде.
