"Barselona" himoyachisi Jyul Kunde Kataloniya klubidagi debyutidan so‘ng o‘z fikrlarini bildirib o‘tdi.
Kecha fransiyalik futbolchi La Liganing 3-turidan o‘rin olgan “Barselona” – “Valyadolid” (4:0) uchrashuvini to‘liq o‘tkazdi.
“G‘alaba qozonganimizdan xursandman. Bu juda yaxshi natija bo‘lib, jamoaning ishonchini qozonishda davom etishiga imkon beradi.
Himoya markazida ham, qanotda ham o‘ynayveraman, ammo menga ko‘proq markaz qulayroq. O‘yindan so‘ng o‘zimni yaxshi his qildim, garchi men hali klubning o‘yin uslubini o‘rganishim kerak bo‘lsa-da, lekin yaxshi harakat qilyapman. Eng yaxshi darajaga yetishim uchun hali biroz vaqt kerak.
Men "Barselonaga" sovrinlar olish va rivojlanishda davom etish uchun keldim”, - deydi Kunde.
