"Челси" ярим ҳимоячиси Каллум Хадсон-Одои "Байер"га трансферини якунлаш учун Германияга жўнаб кетди, деб хабар беради Sky Sports.
Тез орада футболчи тиббий кўрикдан ўтади, шундан сўнг келишув расман эълон қилинади.
Леверкузеннинг "Байер" клуби "Челси" билан ярим ҳимоячини ижарага олиш борасида келишувга эришди. Аввалроқ, немис клуби шартномага сотиб олиш бандини киритмоқчи бўлгани учун трансфер хавф остида эди.
21 ёшли англиялик ўтган мавсумда барча турнирларда 28 та ўйинда майдонга тушиб, 3 та гол урди ва 6 та голли узатмани амалга оширди. Transfermarkt портали футболчини 25 миллион еврога баҳоламоқда.