"Chelsi" yarim himoyachisi Kallum Xadson-Odoi "Bayer"ga transferini yakunlash uchun Germaniyaga jo‘nab ketdi, deb xabar beradi Sky Sports.

Tez orada futbolchi tibbiy ko‘rikdan o‘tadi, shundan so‘ng kelishuv rasman e’lon qilinadi.

Leverkuzenning "Bayer" klubi "Chelsi" bilan yarim himoyachini ijaraga olish borasida kelishuvga erishdi. Avvalroq, nemis klubi shartnomaga sotib olish bandini kiritmoqchi bo‘lgani uchun transfer xavf ostida edi.

21 yoshli angliyalik o‘tgan mavsumda barcha turnirlarda 28 ta o‘yinda maydonga tushib, 3 ta gol urdi va 6 ta golli uzatmani amalga oshirdi. Transfermarkt portali futbolchini 25 million yevroga baholamoqda.