"Ювентус" ҳалигача "ПСЖ" билан ярим ҳимоячи Леандро Паредеснинг трансфери борасида келишувга эриша олмади, деб хабар беради Sky Sports Italia.

"Зенит"нинг собиқ футболчиси аллақачон Турин клуби билан шартнома бўйича келишиб олган, бироқ клублар трансфер суммаси борасида келиша олмаяпти. Шу муносабат билан "Ювентус" муқобил кучайтириш вариантини излай бошлади.

Аввалроқ, 28 ёшли аргентиналик футболчи тиббий кўрикдан ўтиш ва "Ювентус" билан шартнома имзолаш учун 29 август, душанба куни Туринга учиб кетиши ҳақида хабар берилганди.

Паредес ўтган мавсумда 22 ўйин ўтказиб, 1 гол ва 2 голга ассистентлик қилган.

Паредеснинг "ПСЖ" билан амалдаги шартномаси 2023 йилнинг июнига қадар давом этади. Аввалроқ парижликлар ярим ҳимоячини 25 миллион еврога сотишга тайёр экани ҳақида хабар берилганди.