“Монако” ҳимоячиси Аксел Дисаси Франция чемпиони сафига қўшилиши мумкин.
GOAL журналисти Марк Мешеноиснинг хабар беришича, "ПСЖ" ҳали расмий таклиф билан чиқмаган бўлса-да, монегаскликлар билан тахминий келишув борасида аллақачон алоқага чиққан.
"Монако" 24 ёшли футболчи учун 50 миллион евро олмоқчи. Футболчининг ўзи парижликлар таркибига ўтишга розилик берди.
RMC Sport мухбири Фабрис Хокинснинг айтишича, Дисаси "Интер" ҳимоячиси Милан Шкриньяр трансфери муваффақиятсизликка учраган тақдирда "ПСЖ"нинг иккинчи вариантидир.
Дисаси жорий мавсумда Лига 1да тўртта ўйинда майдонга тушди ва битта голли узатмани амалга оширди.