“Monako” himoyachisi Aksel Disasi Fransiya chempioni safiga qo‘shilishi mumkin.
GOAL jurnalisti Mark Meshenoisning xabar berishicha, "PSJ" hali rasmiy taklif bilan chiqmagan bo‘lsa-da, monegaskliklar bilan taxminiy kelishuv borasida allaqachon aloqaga chiqqan.
"Monako" 24 yoshli futbolchi uchun 50 million yevro olmoqchi. Futbolchining o‘zi parijliklar tarkibiga o‘tishga rozilik berdi.
RMC Sport muxbiri Fabris Xokinsning aytishicha, Disasi "Inter" himoyachisi Milan Shkrinyar transferi muvaffaqiyatsizlikka uchragan taqdirda "PSJ"ning ikkinchi variantidir.
Disasi joriy mavsumda Liga 1da to‘rtta o‘yinda maydonga tushdi va bitta golli uzatmani amalga oshirdi.
