"Рома" "Олимпиакос" ярим ҳимоячиси Мэди Камара билан шартнома имзолади, деб хабар беради Sky Sports Italia.
Манбага кўра, 25 ёшли гвинеялик футболчи яқин вақт ичида Римда тиббий кўрикдан ўтади. "Жаларосси" ярим ҳимоячини 12 миллионга сотиб олиш имконияти билан 1,2 миллион еврога ижарага олади.
Камара "Рома" таркибида оёғи синган Жоржиньо Вейналдумнинг ўрнини эгаллайди.
Камара ўтган мавсумда “Олимпиакос” сафида 45 та ўйинда майдонга тушиб, 2 та гол урди ва 2 та голли узатмани амалга оширди. Унинг Греция клуби билан шартномаси 2024 йилгача амал қилади.