"Roma" "Olimpiakos" yarim himoyachisi Medi Kamara bilan shartnoma imzoladi, deb xabar beradi Sky Sports Italia.

Manbaga ko‘ra, 25 yoshli gvineyalik futbolchi yaqin vaqt ichida Rimda tibbiy ko‘rikdan o‘tadi. "Jalarossi" yarim himoyachini 12 millionga sotib olish imkoniyati bilan 1,2 million yevroga ijaraga oladi.

Kamara "Roma" tarkibida oyog‘i singan Jorjinyo Veynaldumning o‘rnini egallaydi.

Kamara o‘tgan mavsumda “Olimpiakos” safida 45 ta o‘yinda maydonga tushib, 2 ta gol urdi va 2 ta golli uzatmani amalga oshirdi. Uning Gresiya klubi bilan shartnomasi 2024 yilgacha amal qiladi.