Амстердамнинг “Аякс” клуби ҳужумчиси Антони “Манчестер Юнайтед”га ўтиш олдидан тиббий кўрикдан ўтди. Бу ҳақда журналист Фабрицио Романо ўзининг ижтимоий тармоқлари орқали маълум қилди. Кун якунига қадар футболчи билан 5 йиллик шартнома имзоланиши кутилмоқда.
Дастлабки маълумотларга кўра, Антони трансфери инглиз гранди раҳбариятига 100 миллион еврога тушади.
Бразилиялик ҳужумчи "Аякс"га 2020 йилда "Сан-Паулу"дан келиб қўшилган эди. Жорий мавсумда 22 ёшли форвард амстердамликлар сафида учта ўйинда қатнашиб, иккита гол ва иккита голли узатмани амалга оширди.