Amsterdamning “Ayaks” klubi hujumchisi Antoni “Manchester Yunayted”ga o‘tish oldidan tibbiy ko‘rikdan o‘tdi. Bu haqda jurnalist Fabrisio Romano o‘zining ijtimoiy tarmoqlari orqali ma’lum qildi. Kun yakuniga qadar futbolchi bilan 5 yillik shartnoma imzolanishi kutilmoqda.
Dastlabki ma’lumotlarga ko‘ra, Antoni transferi ingliz grandi rahbariyatiga 100 million yevroga tushadi.
Braziliyalik hujumchi "Ayaks"ga 2020 yilda "San-Paulu"dan kelib qo‘shilgan edi. Joriy mavsumda 22 yoshli forvard amsterdamliklar safida uchta o‘yinda qatnashib, ikkita gol va ikkita golli uzatmani amalga oshirdi.
