Бельгиялик ҳужумчи Миши Батшуайи мунтазам ўйин амалиётига эга бўлмаган Лондоннинг "Челси" клубини тарк этишга яқин турибди.
Инсайдер Николо Скиранинг хабар беришича, ҳужумчининг янги клуби "Эвертон" бўлади. Ливерпулликлар футболчини белгиланган муддатдан олдин сотиб олишни режалаштирмоқда.
Батшуайи "Челси"га олти йил аввал "Марсел"дан қарийб 40 миллион евро эвазига келиб қўшилган эди. Лондон клубидаги фаолияти давомида Миши тўрт марта ижарага берилган.
2021/2022 йилги мавсумда белгиялик футболчи "Бешиктош" сафида ижара асосида ўйнаган. У Суперлиганинг 33та ўйинида иштирок этган ва 14та гол урган.
