"Арсенал" "ПСЖ" ярим ҳимоячиси Леандро Паредесга қизиқиш билдирганди. Бироқ, 28 ёшли аргентиналик футболчи инглиз клубига ўтишдан бош тортди, дея хабар беради инсайдер Адриен Греньер.
Паредес "Ювентус"да ўйнаш ниятида. "Зенит"нинг собиқ футболчиси аллақачон Турин клуби билан шартнома бўйича келишиб олган, аммо клублар трансфер суммаси борасида келиша олмаяпти.
Паредес ўтган мавсумда 22 ўйин ўтказиб, 1 гол ва 2 голга ассистентлик қилган.
Паредеснинг ПСЖ билан амалдаги шартномаси 2023 йилнинг июнига қадар давом этади. Аввалроқ парижликлар ярим ҳимоячини 25 миллион еврога сотишга тайёр экани ҳақида хабар берилганди.
