"Arsenal" "PSJ" yarim himoyachisi Leandro Paredesga qiziqish bildirgandi. Biroq, 28 yoshli argentinalik futbolchi ingliz klubiga o‘tishdan bosh tortdi, deya xabar beradi insayder Adriyen Grenyer.
Paredes "Yuventus"da o‘ynash niyatida. "Zenit"ning sobiq futbolchisi allaqachon Turin klubi bilan shartnoma bo‘yicha kelishib olgan, ammo klublar transfer summasi borasida kelisha olmayapti.
Paredes o‘tgan mavsumda 22 o‘yin o‘tkazib, 1 gol va 2 golga assistentlik qilgan.
Paredesning PSJ bilan amaldagi shartnomasi 2023 yilning iyuniga qadar davom etadi. Avvalroq parijliklar yarim himoyachini 25 million yevroga sotishga tayyor ekani haqida xabar berilgandi.













