Маркос Алонсо "Челси"дан "Барселона"га ўтди.
Футболчи Каталония клубига ўтишни якунлаш учун бугун Лондондан Барселонага учади.
"Барселона" билан шартнома имзолаш учун футболчи молиявий имтиёзларга қўл урди - биринчи мавсумда унинг маоши кам бўлади, бу клуб раҳбарияти белгилаган лимитга тўғри келади, деб ёзади Diario Sport.
Алонсо "Барса"нинг молиявий аҳволига хайрихоҳ, шунинг учун у клубга ён берди. Пьер-Эмерик Обамеянг қишда ҳам худди шундай тўлов тизими билан шартнома имзолаган.
Маркоснинг "Барса" билан шартномаси 3 мавсумга мўлжалланган. 2+1 схемаси бўйича келишув имзоланиши мумкин.
Испаниялик футболчи жорий мавсум “Челси”да ўйнамади.